Martaba Qutb-ul-Madar Awliya’ Allah Kee Nazar Me Aur Qutb-ul-Madar Ko Madar-ul-Aalameen Kahne Ka Bayan-01

Martaba Qutb-ul-Madar Awliya’ Allah Kee Nazar Me Aur Qutb-ul-Madar Ko Madar-ul-Aalameen Kahna

Un Ke Faza’il Kya Bayan Ho Jo Saraapa Faza’il Ho’n.
Nasban Wa Hasban Hasani Wa Husaini : Soorat Me Seerat Me Shabiya-E-Payghmbar : Chaal Me, Chalan Me, Amal Me Nazir-E-Rasool.
Madar Kee Har Ada Fazilat, Madar Ka Har Amal Fazilat Hum Un Ke Muhaseen Kya Ginwa Sake, Hum Un Kee Fazilat Kaha’n Tak Geen Sakege, Hum Un Ke Naam Lewa, Hum Un Ke Ghulaam Kya Wah Hamaare Aaba Wa Ajdaad Ke Imaam.
Hamaari Bisaat Kya Jo Un Ke Munaasib Likhe.
Ye Bado-Badon Ko Hasnaat Baatne Waale, Ye Darjaat Buland Karne Waale, Ye Maula Hum Ghulaam, Ye Imaam Hum Awaam, Ye Madar-ul-Awliya’ Hain, Ye Madar-ul-Aalamin Hain, Ye Aasman-E-Wilayat, Ye Aaftab-E-Imamat, Ye Tanwir-E-Sadaqat.
Ye Darya-E-Joodo Ata’, Aye Mahboob-E-Khuda, Noor-E-Hadeed-E-Mustafa SallAllahu Ta’ala Alayhi Wa Aalihi Wa Sallam Hain.

      Tareekh Ke Panne Palatne Se Ma’loom Hota Hai Ki Jo Allah Ke Khaas Bande, Faiz-E-Bila-Waasta Se Mustafiz Huwe, Un Ke Ahwaal, Ba-Muqaabil DigarBuzurgan-E-Deen Ke Zyaada Raushan Hain Aur Un Me Sarkar-E-Sarakara’n Hazrat Qutb-ul-Madar Sayyid Badee’-ud-Deen Zinda Shah Madar RadiyAllahu Ta’ala Anhu Kee Quddis Seerat Kee Sabhi Sifaat, Khusoosiyaat Se Labarez Hai.

– Hazrat Shaikh Dawood Kesari Farmaate Hain Ki Qutb-ul-Madar Har Zamaane Me Aik Hota Hain.
Qutb-ul-Madar Kee Zaat Par Qayam-E-Aalam Ka Inhisar Hota Hai.

– Sahib-E-Bahr-ul-Ma’ani Page No. 88 Par Tahreer Farmaate Hain Ki Qutub Ka Martaba Yah Hai Jo Aik Wali Ko Wilaayat Se Be-Dakhala Ya Muqarrar Karne Ka Ikhtiyar Rakhta Hain Aur Qutb-ul-Madar Aik Qutub Ke Liye Yahi Qudrat Rakhta Hai.
Wah Loh-E-Mahfooz Ke Likhe Ko Mita Deta Hain.

– Sahib-E-Dar-ul-Ma’arif Page No. 243 Par Tahreer Farmaate Hain Ki Nizam-E-Qaynat, Wa Ghumrahon Kee Rahnumaayi Wa Hidaayat Qutb-ul-Madar Ke Supurd Farmaayi Jaati Hai.

– Hazrat Shaykh Akbar Ne Futoohat-E-Makkah Page No. 198 Par Tahreer Farmaaya Hai Qutb-ul-Madar Siddiquon Ka Sardar Hota Hai.

– Hazrat Sayyid Ali Hijweri Daata Ganz Bakhsh Lahouri Kashf-ul-Mahjoob Par Haashiya Page 345 Par Tahreer Farmate Hain Ki Qutb-ul-Madar Wah Hota Hai Jis Ke Haath Me Qaaynat-E-Aalam Kee Baagdor Ho.

Advertisements

Martaba Qutb-ul-Madar Awliya’ Allah Kee Nazar Me Aur Qutb-ul-Madar Ko Madar-ul-Aalameen Kahne Ka Bayan-02

– Hazrat Shah Abd-ul-Azeez Muhaddith Dehlwi Tahreer Farmate Hain Ki Qutb-ul-Madar Kee Zaat Par Qayam-E-Aalam Ka Inhisaar Hai, Aur Jab Qutb-ul-Madar Tamam Gauth-O-Qutub Awtaad, Abdaal, Nujaba, Nuqba Ko Le Kar Mafqood Ho Jaayega, To Tamaam Nizam-E-Qaynat Darham-Barham Ho Jaayega.

– Hazrat Maulana Abd-ul-Haque Muhaddith Dehlwi Ne Tahreer Farmaaya Ki Hazrat Sayyid Bade’-ud-Deen Qutb-ul-Madar Ke Azeeb Wa Gharib Haalaat Hain.
Aap Maqam-E-Samadiyyat Par Faa’iz They .
Chehre Par Naqab Daale Rakhte They, Jab Kisi Kee Nazar Pad Jaati To Be-Ikhtiyar Ho Kar Sajda Karta.
Kaseer-ul-Umri Kee Wajah Se Panch-05 Ya Chhe-06 Waaston Ke Jaeriye Aap Ka Silsila Huzoor Nabi-E-Akram SallAllahu Ta’ala Alayhi Wa Aalihi Wa Sallam Tak Pahunchta Hain.

– Aala Hazrat Fazil-E-Barelwi Maulana Ahmad Raza Tahreer Farmaate Hain Ki Mein Ne Silsila-E-Badeeya Madariya Ko Aa’n Hazrat Huzoor Nabi-E-Akram SallAllahu Ta’ala Alayhi Wa Aalihi Wa Sallam Ke Sab Se Qareeb Paaya.
(Ezazat-ul-Mateena)

– Maulwi Muhammad Alim Sahab Kannauji Ne Tahreer Farmaaya – (Tarjuma) _- “Madar Raushan Kiya Gaya Arsh Wa Nabuwwat Se Fakhr Haasil Sab Awliya’ Par”.

– Hazeat Zaheer-ud-Deen Ilyas Farmate Hain Ki Madar Aik Muqaam Hai, Nabuwwat Aur Wilaayat Ke Bich Ka Aur Maqtub Sayyid Ashraf Jahangir Samnaani Quddis Sirruhu Aur Makhtub Hazrat Qazi Hamid-ud-Deen Naagauri Quddis Sirruhu Ne Likha Hain Ki Hazrat Shah Badee-ud-Deen Qutb-ul-Madar Is Tarah Mulaqqab Huwe Ki (Madar) Tamam Nushkha Alwi Wa Sifli Me Aik Hota Hai Aur Intizam-E-Aalam Us Ke Haath Me Hain.

– “Bahr-ul-Ma’ani” Ke Chaudahwein-14 Maqtub Me Likha Hain Ki Qutube Aalam Ko Fayz Haque Ta’ala Se Be Waasta Huaa Aur Qutub-E-Aalam Ka Laqab Qutub-E-Madar Hain.
Hazrat Shah Muhaddith Abd-ul-Haque Qutb-ul-Madar Maqam-E-Maashoqui Se Maqam-E-Samadiyyat Me Pahunche Aur Yah Baat Bhi Dekhi Gayi Ki Maujudaat Ka Wajood Chaahe Wah Alwi Ho Ya Sifli Qutub Madar Ke Wajood Se Hai.

– Hazrat Sayyid Ashraf Jahangir Samnani Kachhauchhwi Ne Apni Kitab Me Darz Farmaya Hai Ki Agar Is Aalam Me Aqtaab Ka Wajood Na Ho To Tamaam Aalam Zer-O-Zabar Ho Jaayein. (Ya’ni Aalam Ka Wajood Madar Ke Wajood Ke Bina Par Huwa Lihaaza Ise Madar-ul-Aalamin Bhi Kaha Jaayega.)

Martaba Qutb-ul-Madar Awliya’ Allah Kee Nazar Me Aur Qutb-ul-Madar Ko Madar-ul-Aalameen Kahne Ka Bayan-03

– Hazrat Sulayman Alayhissalam Ke Wazeer Hazrat Aasif Barkhiya Jin Se Takht-E-Bilqis Laane Ke Liye Hazrat Sulayman Alayhissalam Ne Farmaya Tha, Wah Bhi Apne Daur Ke Qutub Madar They.
Lihaaza Hamein Samajh Lena Chaahiye Ki Awliya’ Allah Kee Wilayat Bar-Haque Hai, In Ke Maraatib Wa Darjaat Hain.
Ghauth, Qutub, Abdaal, Nuqba, Nujaba, Ghauth-ul-Aazam Aur Qutb-ul-Madar Wagairah Awliya’ Allah Ke Darjaat Hain.

– Qutb-ul-Madar Wilaayat Ke Martabon Me Bahurt Bada Wa Aala Martaba Hai.
Chunanche Aala Hazrat Fazil-E-Barelvi Ke Peer-O-Murshid Shah Aboo’l Hasan Noori Marehrwi Quddis Sirruhu Apni Kitab “Shariat Wa Tariqat Me Isrshad Farmate Hain” Ki “Har Zamaane Me Aik Gahuth Hota Hain Ki Us Ke Zamaane Ke Tamaam Awliya’-E-Kiraam Ka Sardaar Wa Sartaj Hota Hai Aur Us Ke Jamaane Ka Koi Wali Us Ka Martaba Nahin Pa Sakta, Is Ko Qutub Madar Kahte Hain.
Is Liye Ki Tamaam Aalam Ke Karoobaar Ka Usi Par Dar-O-Madar Hota Hain Wa Tamaam Nazm-O-Nasq Usi Ke Haathon Naafiz Hota Hai Nafaaz Paata Hai (Shariat Wa Tariqat, Maqtaba Jaame’-E-Noor, Page-114, 115.)

Ibaarat Se Saaf Jaahir Hota Hain Ki Qutub Madar Ka Ohda Kitna Azim Hain Qutub Madar Apne Zamaane Ke Tamaam Awliya’ Allah Ka Sardaar Wa Sartaaz Hota Hai Tamaam Aalam Ya’ni Aalamin Ke Kaarobaar Ka Dar-O-Madar Qutb-ul-Madar Par Hota Hai.

– Hazrat Mujaddid Alfe Saani Quddis Sirruhu Farmate Hain Ki Hazrat Khizar Alayhissalam Ne Irshad Farmaaya Ki – “Allah Ta’ala Ne Mujh Ko Aur Ilyas Alayhissalam Ko Qutb-ul-Madar Ka Mueen Banaya, Jo Allah Ta’ala Ka Aisa Wali Hain Jis Ki Allah Ne Aalam Ke Madar (Madar-E-Aalam) Banaaya Aur Aalam Kee Baqa Us Ke Wajod Wa Izaafa Kee Barqat Ke Sabab Qaayam Kee”.

Upar Darj Tamam Baaton Kee Buzurgon Ke Qaul Se Jaahir Hain Ki Qutb-ul-Madar Par Tamam Aalam (Ya’ni Aalamin) Ke Kaarobaar Ka Daar-O-Madar Hota Hain.
Qutub Madar Kee Barqat Se Aalam Ke Baqa Hoti Hain.

In Buzurgon Ke Aqwaal Kee Raushni Me Qutb-ul-Madar Ko Madar-ul-Aalameen Kahna Jaayaz Wa Haque Hain.

Martaba Qutb-ul-Madar Awliya’ Allah Kee Nazar Me Aur Qutb-ul-Madar Ko Madar-ul-Aalameen Kahne Ka Bayan-04

–         Hazrt Nasir-ud-Deen Chirag Dehlvi RadiyAllahu Ta’ala Anhu Ke Murid Wa Khalifa Meer Zaafar Makki RadiyAllahu Ta’ala Anhu Apni Kitaab “Bahr-ul-Ma’ani” Safah-83 Par Tahreer Farmaate Hain : – “Shaahidaan Laayezali KeMaratib Ko Ghaur Se Suno Ki Shaykh Daud Keshari Ba’z Kitaabon Me Bayaan Farmate Hain Ki Qutb-E-Aalam Zamaana Wa Asar Me Aik Hota Hain.

Ahl-E-Duniya Wa Aaakhirat Me Se Tamaam Maujoodaat  Ya’ni Aalam-E-Saghali Wa Alawi Ka Wajood Qutube Aalam Ke Wajood Se Qaayam Hain .

Qutube Aalam Ko Be-Saakhta Haque Ta’ala Se Fayz Pahunchta Hain.

Qutb-E-Aalam Ko Qutub Madar Bhi Kahte Hain Ya’ni Mauzudaat Saghali Wa Alawi Ka Madar Qutub Madar Ke Wajood Kee Barqat Se Hai.

 

–         Sahib-E-Durr-ul-Ma’rif  Apni Kitab “Durr-ul-Ma’rif” (Matbooaat –  Istambool, Turqi) Me Tahreer Farmate Hain “Aik Din Majlis Shareef Me Aqtaab Ka Zikr Huwa.

In Hazraat Ne Famaya Ki Allah Ta’ala Ajraa-E-Kaarkhaana Hasti Qutub Madar Ko Ata’ Farmata Hai Aur Gumraahon Ki Rehnumaayi   Wa Hidaayat Wa Irshad Ka Kaam “Qutub Irshad” Ke Hawaale Karta Hai Aur Is Ke Baad Farmaya Hazrat Badee’-ud-Deen Shaykh Madar Quddassirrahu Qutub Madar They Aur Azeem Shaan Waale They.

 

–         Oopar Darj Donon Buzurgon Hazrat Meer Zaafar Makki Khalifa Sayyiduna Naseer-ud-Deen Chiraag Dehlvi Aur Maulana Ghulaam Ali Naqshbandi Ke Farmoodaat Se Waazeh Hain Ki Tamaam Maiuzoodat (Ya’ni Aalameen) Ka Wajood Qutub Madar Kee Barqat Qaayam Hain.

 

–         Kaarkhaana-E-Hasti Wa Tamaam Aalameen Ka Daar-O-Madaar Qutb-ul-Madar Ke Sabab Se Hain Aur Yah Bhi Saaf Ho Gaya Hai Ki Hazrat Badee’-ud-Deen Shah Madar Quddis Sirruhu Qutub Madar They.

 

–         To Jab Aap Khoobiyon Ke Haamil Hain To Aap Ko Madar-ul-Aalameen Kahna Jaayz Wa Barhaque Wa Aslaaf Ka Tariqa Hai.

 

–         Qutub Madar Hee Par Tamam Aalam Ya’ni Aalameen Ke Kaamon Ka Daar-O-Madaar Hota Hai Tamaam Nazmon Nashq Usi Ke Haathon Naafiz Hota Hain.

Tamaam Maujoodat  (Ya’ni Aalameen) Ka Wajood Qutub  Madar Kee Wajood Kee Barqat Se Qaayam Hai.

 

–         Qutub Madar Aalam-E-Saghali Wa Alwai Ka Madar Hota Hai Aur Ba-Qaul Mohiyu-ud-Deen Bin Arabi Alayhirrahma Wa Rizwaan Wahee RasoolAllah SallAllahu Ta’ala Alayhi Wa Aalihi Wa Sallam Ka Mazhar-E-Kaamil Aur “Khalifat-ul-Allah Fil-Ard” Hota Hai.

 

–         Yah Bhi Waazeh Wa Saabit Hain Ki Hazrat Sarkar-E-Sarakara’n Hazrat Badee’-ud-Deen Shaykh Madar Zinda Shah Madar Qutb-ul-Madar They To Beshk Aise Azeem-ush-Shan Qutub Madar Ko Hee Madar-ul-Aalameen Bhi Kaha Jaata Hai.

Martaba Qutb-ul-Madar Awliya’ Allah Kee Nazar Me Aur Qutb-ul-Madar Ko Madar-ul-Aalameen Kahne Ka Bayan-05

–         Madar-ul-Aalamen  Wa Madar-ul-Duniya Wa Aakhira Jaise Alfaaz Ko Kisi Kitaab Me RasoolAllah SallAllahu Ta’ala Alayhi Wa Aalihi Wa Sallam Ke Liye Khaas Nahin Bataaya Gaya Hai.
Jab Ki Rahmat-ul-Lil-Aalameen Ko Aa’n Hazrat SallAllahu Ta’ala Alayhi Wa Aalihi Wa Sallam Ke Liye Khaas Wa Aap Hee Ke Liye Aur Aap Hee Ko Khaas Maana Jaata Hain.

 

–         Har Wali Ko Allah Ta’ala  Wa Rasool SallAllahu Ta’ala Alayhi Wa Aalihi Wa Sallam Kee Taraf Ijaazat Dee Jaa Sakti Hai Aur Yah Izaafat Tashrifi Hoti Hai, Izaaf Ka Lughwi Ma’ni Qat’I Masood Nahin Hota, Is Liye Wali Ko WaliAllah, Ghauth Ko Ghauth-ul-Allah, Qutub Ko Qutb-ul-Allah Aur Madar Ko Madar-ul-Allah Kaha Jaata Hai.
Isi Tarah Wali Ko Wali-ur-Rasool, Ghauth Ko Ghauh-ur-Rasool, Qutub Ko Qutb-ur-Rasool Aur Madar Ko Madar Ko Madar-ur-Rasool Kah Sakte Hain.
Is Liye Ki Allah Wa Rasool Kee Marzi Mansha Se Hee Momin-E-Kaamil Wilayat Ke Kisi Darje Par Pahunchta Hain.
To Jab Wali, Ghauth, Qutub, Madar Kee Izaafat Allah Ta’ala Kee Taraf Durust Hai Jaayaz Hai To Allah Kee Makhlook Ya’ni Aalamin Kee Taraf Bhi Yah Izaafat Jaayaz Hogi.

 

–         Lihaaza Ghauth Khusoosan Ghauth-E-Aazam Aalameen Ka Gauth Hoga, Qutub Khusoosan Qutb-E-Aazam Aalami Ka Qutub Hoga.
Madar Khusoosan Madar-E-Aazam Aalameen Ka Madar Hoga, To Ab Ghauth-ul-Aalameen, Qutube Aalameen Madar-ul-Aalameen Kahna Durust Hain Wa Aalameen Kee Umoomiyat Se Kuchh Bhi Farq Nahin Aata, Is Liye Rahmat-ul-Lil-Aalameen Ko Aap Ka Khaas Wa Khaas Hote Huwe Bhi Rizwi Barqaati Maulaana Apni Kitaab Hayat-E-Ghauth-ul-Wara  Wa Mazar-E-Jamal-E-Mustafa’i  Matbooa Bareli Me Hazrat Zakariya Multaani Kee Manqabat Huzor Sayyuiduna Ghauth-E-Aazam Abd-ul-Qadir Jilaani RadiyAllahu Ta’ala Anhu Ke Liye Naal Karte Hain Jaise Kee Faarsi Ash’aar Is Tarah Hain :

Be-Kasa’n Raa Kasee Agar Jooi Too Dard Neeyaawendi’n
Hast  Mohy-ud-Deen   Sayyid   Taaj   Sardaara’n  Yaqee’n
Dastageer  Be-Kasa’n   Wa   Chaara-E-Be-Chaara’n   Gaa’n
Shaykh   Abd-ul-Qadri   Ast  Aa’n  Rahmat-ul-Lil-aalameen

 

Tarjuma  :     Duniya Wa Deen Me Tujhe Agar Dastagir Be-Kason Kee Talaash Hain To Yaqeen Kar Ki Wah Hazrat Mohiyu-ud-Deen Sardaron Ke Sartaaz Kee Jaat Hai.
Be-Kason Ke Dastageer Aur Be-Charaon Ke Charaagar Shaykh Abd-ul-Qadir Hain Jo Saare Aalameen Ke Liye Rahmat Hai.
Jab Shaykh Abd-ul-Qadir Jilaani Ko Rahmat-ul-Lil-Aalameen Kaha Ja Sakta Hai To Yah Baat Yaqeeni Huwi Ke Ghauth Ko Ghauth-ul-Aalameen Aur Madar Ko Madar-ul-Aalameen Kahna Jaayaz Wa Rawa’n Hai,
Yahi Wazah Hain Ki Ulma-E-Salaf Ne In Martabon Ko Aalam Kawnayn, Saqlayn Aur Aalameen Kee Taraf Izaafat Kar Ke Istemaal Kiya Hai.
Chunaanche Aala Hazrat Fazil-E-Barelvi Ne Kai Jagah Apni Kitaabon Me Huzoor Ghauth-E-Paak RadiyAllahu Ta’ala Anhu Ke Liye Ghauth-us-Saklayn Istimaal Kiya Hai.

Martaba Qutb-ul-Madar Awliya’ Allah Kee Nazar Me Aur Qutb-ul-Madar Ko Madar-ul-Aalameen Kahne Ka Bayan-06

Jaha’n Tak Lafz Aalamen Kee Taraf Izaafat Kee Baat Hai To Bahot Se Ulama Ne Buzurgon Ke Alqaab Ko Aalameen Kee Taraf Izaafat Dee Hai.

–         Chunaanche Haashiya Ibn Aabideen Saami Page No.04 Par Sultaan Abdul Azeez Kha’n Ko Aamm-ul-Muslimin Bil-Kaafatunnas Aj’maeen Likha Hai.

 

–         Tasawwuf Kee Kitab Sharab-E-Ma’rifat Page No.111 Par Hazrat Sabir Kaliyari Ko Makhdoom-ul-Aalameen Likha Hai.

 

–         Masa’il-E-Sama’ Me Irfan Ali Rizwi Baisalpoori Me Meer Abdul Waahid Bilgiraami Ko Sayyid Ulama-ul-Aalameen Likha Hai.

 

–         Maulana Mufti Shah Aal-E-Mustafa Maahir Maarehrawi Jo Mufti Akhtar Raza Kha’n Azhari Ke Peer-O-Murshid Hain.
Apni Aik Maqtoob Me Likhte Hain, Sayyiduna Aal Ahmad Achchhe Miya’n Rahmat-ul-Allahi Ta’ala Alayh Ne Apne Ahad-E-Mubarak Me Sarkar Madar-ul-Aalameen Se Mansoob Mela Qaayam Karaya Jo 09 Jamadi-ul-Awwal  Ko Barabar Hota Hain.

 

–         Mufti Daar-ul-Uloom Asharafiya Mubarakpoor Ke Ustaad-E-Muhtaram Hazrat Allama Mufti Badr-E-Aalam Sahaab Qibla Misbaahi Barkaati Ne Apne Aik Maqtoob Me Likha Hai Ki Hazrat Madar-ul-Aalameen Kee Baargaah Me Mera Salaam Arz Karna.

 

Oopar Likhe Gaye Tamaam Aqwaal Aur Isi Tarah Bahut Se Ulama-E-Kiraam Ne Sifaati Wa Alqaabi Naamon Kee Aalameen Kee Taraf Izaafat Kee Hai.
Un Ke Aqwaal Par Un Tamaam Naamon Kee Aalameen Kee Tarf Izaafat Kee Hai.
Un Ke Aqwaal Par Un Tamaam Naam Nihaad Padhe-Likhe Aur Aaalim Kehlaane Waale Hazraat Ko Ghaur Karna Chahiye Aur Yah Achchhi Tarah Samajh Lena Chaahiye Ki In Kee Aalameen Kee Taraf Izaafat Jaayaz Wa Rawa Hai Aur Is Se Kisi Bhi Tarah Kufr Aayad Nahin Hota Hai.
Aur Agar In Kee Nazar Me Yah Kufr Hai To Kya Hazrat Khizar Alayhissalam, Hazrat Meer Jaafar Makki Khalifa, Hazrat Naseer-ud-Deeen Chiraag Dehlwi, Hazrat Maulaana Ghulam Ali Naqshbandi, Hazrat Zakariya Multaani, Hazrat Saabir Kaliyari, Hazrat Maulana Mufti Shah Aal-E-Mustafa Marehrwi, Hazrat Allama Mufti Badr-E-Aalam Saahab Misbaahi Barkaati Aur Un Tamam Ulama-E-Deen Buzurgan-E-Deen Par Bhi Bhi Jo Madar-ul-Aalameen Kahte Hain Fatwa-E-Kufr Lagaane Kee Himmat Kar Sakte Hain ?
Qata’i Nahin Kar Sakte, Kyoon Ki Ye Sab Buzurg Who Buzurg Hai Jinhone Apni Mehnat Wa Koshish SeNoor-E-Iman Kee Shama Ko Raushan Rakha Hai.
Aur Jab Ye Buzurg Ghauth-E-Aazam Ko Gahuth-ul-Aalameen Wa Madar-E-Aazam Ko Madar-ul-Aalameen Kah Sakte Hain, To Saabit Hota Hai Ki Madar-E-Aazam Ko Madar-ul-Aalameen Kahna Kama Haqquehoo Jaayaz Wa Salaf Solihin Ka Tariqa Hai Ya’ni Waaqiya Yah Hai Ki Bahut Se Ulama-E-Kiraam Ne Sifaati Naamon Kee Aalameen Kee Taraf Izaafat Kee Hai Jis Ka Maqsood Sahaba-E-Kiram Wa Ambiya-E-Mursalin Par Kisi Ko Fazilat Dena Nahin Hai, Balki Zyaada Se Zyaada Aik Makhsoos Tabqe Par Fazilat De Kar Un Kee Azmat Ka Izhaar Maqsood Hai.

Martaba Qutb-ul-Madar Awliya’ Allah Kee Nazar Me Aur Qutb-ul-Madar Ko Madar-ul-Aalameen Kahne Ka Bayan-07

Aalam Se Murad Mafhoom Aalam Ka Misdaaq Hota Hai Ya’ni Waqt Tafdil Me Maasiwa Allah Se Jo Maujud Hai Wah Aalam Hai Ya Aalameen Hai Balki Kuchh  Jagha Waqt Tafdeel Me Maujood Siwaaye Allah Ta’ala Ke Kuchh Par Bhi Aalameen Ka Istimaal Ho Jaata Hai.

 

Qur’an-E-Karim Me Qaum-E-Bani Israil Se Mut’alliq Allah Ta’ala Irshad Farmata Hai, (Tarjuma) “Aye Bani Israil !
Meri Un Neamaton Ko Yaad Karo Jo Mein Ne Tum Par In;aam Kiya Aur Yah Ki Bila Shuba Aalameen Par Tumhein Fazilat Dee.”

Yaha Ye Baat Samajhne Kee Hai Ki Is Aalameen Me Ambiya-E-Mursaleen Par Fazilat Nahin Dee Gayi Hai Balki Us Zamaane Ke Aalameen  Par Fazilat Dee Gayi Chunaanche Is Aayat Ke Tahat Tafsir-E-Bayzawi Me Hai :

Kya Is Zamaane Ke Ambiya Par Bhi Fazilat De Dee Gayi Jaisa Ki Umoom Se Isaara Hota Hai.

Nahin !
Aik Khaas Tabqe Par Fazilat Dee Gayi Ya’ni Bani Israil Ko Un Ke Zamaane Ke Maujoodaat Aksar Par Fazilat Dee Gayi.
Isi Aayat Ke Tahat Tafsir-E-Madarik Me Hai, (Tarjuma) :

Ya’ni Bani Israil Ko Logon Kee Aik Badi Jama’at Par Fazilat Dee Bola Jaata Hai Kee Mein Ne Logon Ka Aik Aalam Dekha Aur Us Se Muraad Bahutaayat (Kasrat) Hoti Hai.
Ma’loom Huwa Ki Aalameen Har Jagah Apne Aam Ma’ani Me Nahin Istimaal Hota, Balki Jaha’n Jaisa Karna Hoga Waha’n Waisa Hee Ma’aani Muraad Liya Jaayega.
Isi Ke Peshe Nazar Aslaaf-E-Kiraam Ne Ghauth-E-Aazam RadiyAllahu Ta’ala Anhu Ko Ghauth-ul-Aalameen Aur Huzoor Sayyiduna Madar-E-Aazam Ko Madar-ul-Aalameen Ke Laqab Se Yaad Kiya Hai.

Jaha’n Tak Lafzi Tarqib Kee Baat Hai To Aalameen Ke Ma’ani Wa Mafhoom Me Jitni Wus’at Hai Itni Hee Is Ke Misdaaqaat Me Wus’at Hai.

 

Martaba Qutb-ul-Madar Awliya’ Allah Kee Nazar Me Aur Qutb-ul-Madar Ko Madar-ul-Aalameen Kahne Ka Bayan-08

Lafz Aalameen Tafsir Me Waarid Hai Ki Har Insaan Aalam Hai.
Aala Hazrat FAzil-E-Barelvi Ke Peer-O-Murshid Hazrat Noori Miya’n Quddis Sirruhu Ne “Shariat Wa Tariqat” (Page No. 104 Se 106) Me Insaan Ke Aalam Hone Par Aik Achchhi Guftagoo’n Kee Hai , Farmaate Hai :
“Jaan’na Chahiye Kee Insaan Aaalam Sageer Hai Aur Is Ke Siwa Aalam Kabir  Aur Yah Aalam Sageer Tamaam Aajazaaye Aalam Kabir Ka Jaame’ Hai.”

Pata Chala Kee Har Insaan Aik Mustakil Aalam Hai Jo Agar Satahi Taur Par Socha Jaaye To Kam Az Kam Teen-03 Ya Das-10 Insaan  Par Aalameen Saadiq Aayega.
Lihaaza Agar Qutub Madar Ko Us 20 Insaan Ka Bhi Madaar Taslim Kar Liya Jaaye To Is Ke liye Madar-ul-Aalameen Ka Istimaal Durust Ho Jaayega.

Lihaaza Oopa Darj Guftagoo’n Se Yah Baat Roz-E-Raushan Kee Tarah Saaf Ho Gayi Hai Ki  Madar-E-Aazam Ko Madar-ul-Aalameen Kahne Me “Lafz Aalameen” Me Ambiya Wa Rasool Wa Sahaba-E-Kiram Shamil Nahin Hain, Balki Us Zamaane Ke Maujoodaat Hee Us Me Shaamil Hain.
Lihaaza Ab Madar-E-Aazam Ko Madar-ul-Aalameen Kahne Par Haraam  Kufr Ke Fatwe Kee Koi Haqeeqat Hee Baaqi Nahin Rahti Hai.

 

Aise Logon (Muftiyon) Ko Apne Fatwon Se Ruzooz Karna Chaahiye Aur Allah Kee Baargaah Me Taa’ib Hona Chaahiye Aur Qutb-ul-Madar RadiyAllahu Ta’ala Anhu Kee Baargah Me Haazir Ho Kar Apni Galti Kee Maafi Maangni Chaahiye.

Aala Hazrat Fazil-E-Barelvi Kitne Muhtaat They, Farmate Hain Kee Musal man Se Koi Aisa Kalma Saadir Ho Jaaye Jis Ke 99 Ma’ani Kufri Ehtamaal Rakhte Ho Aur Aik-01 Ma’ani Islam Ka Ho To Hattal Imkaan Us Ko Islam Hee Kee Taraf Fans Jaaye.

Lihaaza Meri Ulama-E-Deen Se Dast Ba-Dasta Aajizaana Guzaarish Hai Ki Baat-Baat Par Islam Me Kufr Kee Shakein Na Nikale.
Musalmanon Me Intishar Phail Raha Hai.
Aur Is-Is Toot Kee Wajah Se Musalman Bada Maayoos Hai Aur Apne Aap Ko Bada Be-Bas Wa Laachaar Samajhta Hain.

Aik Musalman Dusare Musalman Door Ho Raha Hai, In Sab Ka Wabaal Muftiyan-E-Pe-Waqt Ke Sar Jaayega, Allah Kee Baargah Me In Ko Jawaab Dena Hoga.
Aur Aye Pyaare Pyare Musalmaanon !
Chaahe Tum Kisi Bhi Maslak Ko Maante Ho Maano, Lekin Aapas Me Giroh Bandi Na Karo Aur Waqt Kee Sab Se Aham Zaroorat Hai Ki Tum Sab Aik Platform Par Aa Jaao.

Na Sanbhalonge To Mit Jaoge Hindi Musalmanon

Tumhari   Dasta’n  Tak  Na  Rahegi   Dastanon  Me.

 

Lihaaza Hazrat Madar-ul-Aalameen Aur Un Ke Khalifaaon Kee Haalat-E-Zindagi Likh Raha Hoo’n Taaki Aap Log In Hazraat Se Baatini Istifaada Karein Aur Un Kee Nisbat Se Apne Kalb Ko Raushan Kare.
In Haalaaat Ko Dekhne Se Aap Ko Yah Bhi Ma’loom Ho Jaaega Ki In Buzurgon Ne Islam Kee Kaisi Khidmat Kee Aur Kis Tarah Apne Roohaani Tasarrufaat Se Islam Ko Phailaaya.
Jis Tarah Khud Nisbat-E-Muhammadi Se Sarshar Hain Aise Hee Doosaron Ko Bhi Sarshar Kar Diya Karte Hain.
Chunaanche Sarkar Madar-ul-Aalameen Ko Khudawandi Darbaar Me Yah Izzat Haasil Hai Ki Bila-Waasta Sarkar-E-Qaynat SallAllahu Ta’ala Alayhi Wa Aalihi Wa Salam Hee Ka Faiz Jaari Hai.

Garz Yah Ki Buzurgan-E-Deen Ke Haalaat Dekhne Sun Ne Se Zaroor Qalb Me Narmi Paida Hoti Hai.
Jo Log In Buzurgan-E-Deen Se Muhabbat Rakhege Un Ka Hashr In Hee Hazraat Ke Saath Hoga Aur Un Par In Hee Kee Tarah Rahmat-E-Elaahi Kee Baarish Hogi, Kyoon Ki In Awliya’ Allah Ka Zikr Karne Se Rahmat-E-Elaahi Ka Nuzool Hota Hai.”


[Madar-E-Aalam, Madar-E-Aazam, Gulistan-E-Madar, Faizan-E-Madar-ul-Aalameen, Makkah-Madinah-Makanpoor Sawan-E-Hayat Hazrat Sayyid Badee’-ud-Deen Zinda Shah Madar Qutb-ul-Madar Quddis Sirruh-ul-Aziz, Safah-299 Se 306.]

Ye     Aastana-E-Qutb-ul-Madar      Hai,
Maaf  Nahin Ho Sakti  Yaha’n Kee Be-Adabi,
Nigah-E-Shauq Muadab, Junoon-E-Dil Hoshiyaar,
Is Aastana Se Aya’n Hai Jamal-E-Mustafawi.